امى بيضربو بها المثل

امى اللى فى الحنان بيضربو بيها المثل
وكل نظره من عنيها بتدينى اجمل امل
وفى وجودى الفضل ليها
ويامه نمة على اديها
عنيه تنام وعنيها
من ما تحس بملل
دى امى فى الحنان بيضربو بيها المثل
بالحب فى حضنك حسيت
وحبيت كتير واتحبيت
لاكن زى حضنك ما لقيت
يسكن كيانك المر وتسقينى العسل
ياللى فى الخنان بيضربو بيكى المثل
ولو جار عليه الزمان
بلاقى فى حضنك مكان
يحسسنى بالامان
وينصرنى عالفشل
امى يالى فى الحنان بيضربو بيكى المثل
امى ياشمس الصباح
وجودك ليه سلاح
بدعاكى يكون النجاح
فى الحياة وفى العمل
امى يالى فى الحنان بيضربو بيكى المثل
ولو يوم منى زعلتى
بلاقيكى بسرعه سمحتى
ورضيه عنى طول وقتى
مهما جره ومهما حصل
امى يالى فى الحنان بيضربو بيها المثل
وكل نظره من عنيكى بتدينى اجمل امل